Gaiak

ogibideak: sehi [2 emaitzak]

Fitxategia Zatia Zati den beste gai Laburpena
II-033a A04 Gerra - lana: emakumeen lana - buketa Non sortu, non bizi. Urepelen sortua, bederatzi haurride. Haurra zelarik neguan eskolara joaten zen, udan ez, lan egin behar baitzuen. Sei urtez joan zen eskolara, oinez joaten ziren, oren bat bide bazuten. Karrikan bazkaltzen zuten, kantinan. Gero etxeko lanetan aritzen zen, ardiak, ahuntzak bazituzten. Ttipia zelarik amari laguntzen zion etxeko lanetan, dena eskuz egiten zen. Aita gerran izan zen, eta bi gizon zaharrek laguntzen zuten kanpoko lanetan. Ama bakarrik gelditu zen hamalauko gerran bost haurrekin. Bigarren gerran bere lau anaiak eraman zituzten gerrara, hiru urte preso eta bi zerbitzuan egon ziren. Osorik itzuli ziren denak. Ez zen goxoa izan, gizon guztiak eraman zituzten, etxean ez zen sosik, ahal bezala egin behar ziren gauzak. Artoa eta ilarrak bazituzten, ogirik ez. Ogia beltza zen. Taloak egiten zituzten, arto irina baizik ez zen. Bigarren gerra heldu zenean, hemeretzi urte bazituen. Kanpoan ere lan egiten zuen, sehi izan zen zortzi urtez Bankan. Han gizonekin lanean zen, kanpoan. Buketa nola egiten zen.
II-033a A06 lana: emakumeen lana - lana: soldata Sehi izan zen, etxeko andereak haurrak bazituen, bazuen lana. Bera neskato izan zen etxalde hartan, baina mutilak ere baziren, zazpi, zahar eta gazte. Sos pixka bat irabazten zuen. Gero etxera itzuli zen, baina denetan ibili zen lanean gero ere: ostatuetan, etxeetan... Ostatuetan denetarik egiten zuen: zerbitzatu, sukaldatu... Ostatuetan janari arrunta ematen zen: salda, gaztanbera, axurkia. Ardoa ematen zuten edateko. Etxean ere lanean ari zen, artojorran eta guztietan. Mutilak gerran ziren. Oinez joaten zen, aski goiz abiatzen zen. Baigorrirat ezkondu zen. Mendian ibiltzen zen senarra, hor ezagutu zuen. Aski berandu ezkondu zen, gaztaroa alde batetik bestera lanean pasatu zuen.