Gaiak

ogibideak: txokolate egilea [5 emaitzak]

Fitxategia Zatia Zati den beste gai Laburpena
II-120b B14 Bere aitatxi txokolatea egiten hasia zen eta gero berak hartu zuen segida. Amarekin lan egiten zuen, aita gerran hil baitzuten. Bere aita Ameriketan egon zen anaia batekin eta handik ekarritako diruarekin txokolatea egiteko makina bat erosi zuten. Hasieran makinak urarekin mugitzen ziren, gero elektrizitatearekin. Hamabost urterekin hasi zen txokolatea egiten, lana bortitza zen, dena eskuz egiten zen. Aitatxiren garaian bazen harri bat azukrea eta kakaua nahasteko, baina ez zen beste makinarik. Gero emeki-emeki elektrizitateaz martxatzen ziren tresnak izan zituzten.
II-120b B16 elikadura: txokolatea Txokolatea nola egin: lehenik kakaua (fruitua) kafea bezala erre behar da. Bazen tresna bat horretarako. Kakau pikorrei azala kendu behar zaie, horretarako bazen beste tresna bat. Gero kakaua eihera batetik pasatzen da eta olioa ateratzen da. Olioa biltzen da. Ondoren beste makina batean berotzen zen. Ondoren beste makina batean kakau olio bero hori azukrearekin nahasten zen pasta lortu arte. Pasta hori bero gorde behar da. Ondoren pasta hori beste tresna batean pasatzen da xehatzeko. Berriz bero gordetzen da eta biharamunean pasta moldeetan ezarri behar da. Moldeetan ezartzeko behar da teknika berezi bat, mahai baten gainean ezartzen zen, beste makina batean pasatzen zen eta luze-luze ateratzen zen. Plaka hori moztu behar zen eta moldeetan sartu. Pilota bezala ezartzen zen moldeetan, ondoren jauzika bezala egiten zuen makina batean sartzen zen eta pasta moldeetan zabaltzen zen. Ondoren pasta hura hozten utzi behar zen.
II-120b B18 Txokolatea ongi hoztu behar zen, frigoaren barruan. Ondoren moldeetatik atera behar zen, desmoldatu. Disdiratsu eta polita behar zen atera, horretarako ere teknika berezi bat behar da. Ondoren paperean ezartzen zen. Pakete diferenteak egiten ziren, handiak eta ttipiak. Botigak baziren leku guztietan, eta bizikletarekin joaten zen txokolatea botigetan saltzera. Gero negozioa ttipituz joan zen, enpresa handiak sartu ziren. Berak prezioak merketu behar zituen eta azkenean utzi zuten, segitzeko aukerarik ez zuten ikusi, makinak berritu behar ziren eta gehiegi balio zuten. Hori gerratik landa izan zen. Luzaz atxikitzen saiatu zen, baina ez zuten lortu. Penarekin utzi zuen. Aitari behin sari bat eman zioten, txokolatea biziki ongi egiten zuelako.
II-120b B20 Bonbonak. Txokolatea egitea biziki ofizio polita zen.
II-120b B21 Txokolatea familian egiten zuten, berak senarrarekin lan egiten zuen. Hirugarren egunean hasten zen, goizik jeikitzen ziren. Txokolatea moldeetan ezartzen zuten, goiz guztia pasatzen zuten horretan. Arratsaldean txokolatea plegatzen zuten. Esku habilak behar dira horretarako. Berrehun kilo astean egiten zuten. Txokolate mota diferenteak. Hamar urtez izan da lanean. Anitz txokolate jaten zen orduan. Mutilak tresna guztiak garbitzen zituen ostiralero.